ဖေသ်ရဟ်ဆိုင်ရာ သိမှတ်ဖွယ်ရာ

အဲဟ်လေ့ဘိုက်(သ) (အလိုင်ဟေမွစ်စလာမ်) သတင်းဌာန ၊ အဗ်နာ

၁။ မေးခွန်း-ဖေသ်ရဟ် ဘယ်သူထုတ်ရမည်နည်း ?

အဖြေ -ထုတ်မည့်သူသည် အောက်ဖော်ပြပါ အချက်တွေ ရှိနေ ရမည်။

(၁)အရွယ် ရောက်လူလားမြောက်ပြီးသူ(မဟုတ်လျှင် ဖေသ်ရဟ် ထုတ်ရန် မလို။) (ရှရီအသ်အရ လူလား မြောက်သူ၊ ယေဘုယျအားဖြင့် မိန်းကလေး ၈နှစ်(သို့)၉နှစ် ယောက်ကျားလေး ၁၅နှစ်) နှင့်

(၂) ကောင်းမွန်သည့်သူ ( ရူးနေသူအပေါ်ဖေသ်ရဟ် ထုတ်ရန် မလို။)နှင့်

(၃)မရှိဆင်းရဲသားမဖြစ်ရ(မရှိဆင်းရဲသူအပေါ် ဖေသ်ရဟ် ထုတ်ရန် မလို။)

မှတ်ရန် - မရှိဆင်းရဲသားဆိုသည်မှာ မိမိ၏ လူနေမှု အဆင့်အတန်းအရ သုံးငွေ များနေပြီးဝင်ငွေ နည်းနေ သူကို ခေါ်ပါသည်။   

(၄) သတိရှိသူ ဖြစ်ရမည် (သတိလစ်နေသူဖေသ်ရဟ် ထုတ်ရန် မလို။)

(၅) ကျေးကျွန်မဖြစ်ရချေ (လွတ်လပ်သူ ဖြစ်ရမည်။)

၂။ မေးခွန်း - ဖေသ်ရဟ် မည်သူတွေ အတွက် ထုတ်ရမည်နည်း?

အဖြေ - မည်သူမဆို မိမိ ၊မိမိ၏အိမ်သူအိမ်သား (ဆိုလိုသည်မှာ၎င်းထံတွင် ထမင်းစားသူလည်းပါဝင်ပေသည်။) ၎င်းတို့အတွက် ဖေသ်ရဟ်ထုတ် ပေး ရပါမည်။  ယုတ်စွ ၎င်းတို့သည် အရွယ်ရောက် သည်ဖြစ်စေ ၊မရောက် သည် ဖြစ်စေ ထုတ်ပေးရမည် ဖြစ်ပါတယ်။

၃။ မေးခွန်း - အကယ်၍ ဇိုက်သည်ဟစန်အိမ်တွင်ထမင်းစား သူ များ  စာရင်းတွင် ပါဝင်နေပါသည်။ ဇိုက် ကိုယ်တိုင် မိမိ ဖေသ်ရဟ်ထုတ်ဖို့ဝါဂျစ်ဗ် ဖြစ်ပါသလား?

အဖြေ- မဟုတ်ပါ။

၄။ မေးခွန်း - ဇိုက်အား ဟစန် အိမ် ထမင်းစားသူများစာရင်းတွင် ပါ၊ မပါ မည်ကဲ့ သို့ သိ နိုင်ပါသနည်း?

အဖြေ - ပတ်ဝန်းကျင်မှ ဆုံးဖြတ်ပါလိမ့်မည်။ အကယ်၍ ပတ်ဝန်းကျင် အနေ ဖြင့် ဇိုက်အားဟစန် အိမ် ထမင်းစား သူများ စာရင်းတွင် ပါဝင်ကြောင်း အသိ အမှတ်ပြုလျှင်ဇိုက်၏ဖေသ်ရဟ် ဟစန် ကို ထုတ်ပေးရန်ဝါဂျစ်ဗ်ဖြစ် ပါ မည်။ ဤကဲ့သို့ မဟုတ်လျှင် ဝါဂျစ်ဗ် မဟုတ်ပါ။

၅။ မေးခွန်း- ကျွန်တော် ဖေသ်ရဟ် ထုတ်ဖို့ ကျွန်တော် အဖေအပေါ် ဝါဂျစ်ဗ်  ဖြစ်ပါသည်။ သို့သော် မထုတ်ပေး ပါ ဘူး။ ဤအခြေအနေ တွင် ကိုယ့်  ဖေသ်ရဟ် ကိုယ်ထုတ်ဖို့ ဝါဂျစ်ဗ် ဖြစ်ပါသလား ?

အဖြေ - မဟုတ်ပါ။

၆။ မေးခွန်း - ဖေသ်ရဟ် မည်မျှ ထုတ်ရမည်နည်း ?

အဖြေ -    ၃ ကီလိုဂရမ် ဂျုံ                             ၃ကီလိုဂရမ် ဆန်

               သို့မဟုတ်                 (သို့)               သို့မဟုတ်

               ၎င်း၏တန်ဖိုး                                  ၎င်း၏တန်ဖိုး     

၁ကီလိုဂရမ်တွင် ၆၂.၈၅ကျပ်သားရှိပါသည်။ ၃ ကီလိုဂရမ် သည် မြန်မာ ပြည်အသုံးအနှုန်း အားဖြင့် တစ်ပြည်နဲ့ လေးလုံးဖြစ်ပါမည်။

မှတ်သားရန် - တန်ဖိုး ကို ထုတ်ချိန်တွင် ဂျုံ၏တန်ဖိုးကို ထုတ်နေတာလား ? ဆန်၏တန်ဖိုးလားဆိုတာ  သိဖို့ လိုပါ တယ်။ သိထားရမည် အချက်မှာ ဂျုံ နှင်ဆန် အပြင် အခြား ပစ္စည်း  လည်းထုတ်နိုင် ပါတယ်။ သို့သော် ၎င်း၏အကျယ်သည်ကျမ်း ကြီးများတွင်လာရှိပါတယ်။

၇ ။ မေးခွန်း - ဖေသ်ရဟ်ထုတ်ပြီး ဘယ်သူကိုပေးရမည်နည်း?

အဖြေ - အောက်ပါအချက်များရှိသည့် ရှီအာ အစ္စ်နာအရှရီ ကိုပေးရမည်။

(၁) မရှိဆင်းရဲသား ဖြစ်ရမည်။ (မရှိဆင်းရဲသားဆိုတာ မေးခွန်း အမှတ်၁ ၏ အဖြေတွင်ပေါ်ပြပြီးပါပြီ။ ) ပြီး နောက်

(၂) အရက်သေစာ သောက်စားသူ မဖြစ်စေရ။

ပြီးနောက်

(၃) နမာဇ် ဝတ်မပြုသူ မဖြစ်စေရ ။

ပြီးနောက်

(၄) လူသိရှင်ကြား ဂိုနာ လုပ်သူ မဖြစ်ရ။ (ဥပမာ မုတ်ဆိတ်ရိတ်သူ (သို့) ဟေဂျာဗ် မရှိသူ)

ပြီးနောက်

(၅) ဖေသ်ရဟ်ကို ဂိုနာ အလုပ်များတွင် အသုံးပြုသူမဖြစ်စေရ။

မှတ်သားချက် - ဤကဲ့သို့သော်ပုဂ္ဂိုလ်အား ဖေသ်ရဟ်ပေးခြင်းဖြင့် တာဝန် အပြည့် ခေါင်းပေါ်လာရှိပေသည်။ (ခ) ဆယက်ဒ် မဟုတ်သူ၏ ဖေသ်ရဟ် ဆယက်ဒ်ကို ပေး၍ မရချေ။

၈ ။ မေးခွန်း - ဖေသ်ရဟ် ဘယ်အချိန် ထုတ်ရပါသနည်း ?

အဖြေ - မနက်ဖန်အီးဒ်ဆိုလျှင် ဒီနေ့ ညနေဝင်ပြီးနောက်ပိုင်းထုတ်ရမည် ဖြစ်ပါတယ်။

၉။ မေးခွန်း - ဘယ်အချိန် အထိ ထုတ်ခွင့်ရှိပါသနည်း ?

အဖြေ - အကယ် ၍ အီးဒ်နမာဇ် ဝတ်ပြုမည်ဆိုလျှင် နမာဇ်ဝတ်မပြုခင်အလျင် မဟုတ်လျင် ဇဟိုရ်အချိန် မတိုင်မီ အလျင် ထုတ်ရမည် ဖြစ်ပါတယ်။

၁၀။ မေးခွန်း-ကျနော် အမြင်မှာဖော်ပြပါအချက်များနှင့်ပြည့်စုံ နေ သည့် မရှိဆင်းရဲသား တစ်ယောက်ကို မြင် ထား ပါ သည်။ ကျနော် အနေဖြင့် ၎င်း ကို မနက်ဖန်အီးဒ်ဆိုလျှင်ယနေ့ည မတိုင်ခင် (သို့) ယုတ်စွ လမြတ် ရမ်ဒွါန် မတိုင်ခင် ကော်ပေးပိုင်ခွင့် ရှိပါသလား?

အဖြေ -လူကြီးမင်းအနေဖြင့် ၎င်းအားအကြွေး အဖြစ်ပေးထားပါ။ နောက်မှ မနက်ဖန် အီးဒ် ဖြစ်မည်ဆိုလျှင် ဒီည ကို ၎င်းကိုပေးထားသည့် အကြွေးကို ဖေသ်ရဟ် နှင့် မှန်အောင်ပြုလိုက်ပါ။ အကြွေး မှ ဖေသ်ရဟ် ထုတ်ပါ သည် ဟု နီယီသ် ပြုရပါမည်ဖြစ်ပါတယ်။

၁၁။ မေးခွန်း - ဖေသ်ရဟ်ထုတ်ရန်အတွက် နီယသ်ပြုရန်အရေးကြီးပါသလား?

အဖြေ - ဟုတ်ကဲ့အရေးကြီးပါတယ်။ ဖေသ်ရဟ် ထုတ်ခြင်းသည် အေဗါဒသ် ဖြစ်ပါတယ်။ ဤအတွက်ကြောင့် နီယသ် အရေးကြီး ပါတယ်။ သတိပြုရမည့် အချက်မှာ နီယသ် နှလုံး၏ ရည်ရွယ်ချက် (ခ) အဓိဋ္ဌာန် ၏ အမည်ဖြစ် ပါ သည်။ နှုတ်ဖြင့် နီယသ်ပြု ကြောင်း ပြောဆိုရန် အရေး မကြီးချေ။ ကျနော် ဤအလုပ်ကို အလ္လာဟ် ဟို အရှင်မြတ် သခင်  အမိန့်ကို နာခံရန်အတွက် ပြုလုပ်နေပါသည်ဆိုသည့် ရည်ရွယ်ချက် (ခ) အဓိဋ္ဌာန် သာလျင် ရှိဖို့ လိုပါ တယ်။  ဤသည်နီယသ်ဖြစ်ပြီး လုံလောက်ပါတယ်။

၁၂ ။ မေးခွန်း - ဖေသ်ရဟ် ပေးချိန်ဖသ်ရဟ်ဖြစ်ကြောင်း ပြောပြဖို့ အရေး ကြီး ပါသလား?   

အဖြေ -မလိုပါ။ အကယ်၍ ဖေသ်ရဟ်ယူသူအတွက် ၎င်း၏ သိက္ခာ နှင့်အရှက် အတွက် ထိခိုက်စေမည်ဆိုလျှင် မပြော တာ ပိုကောင်းပေသည်။

.......................................................

END / 251