UNICEF ၏ ထိတ်လန့် ဖွယ်ရာ အစီရင်ခံစာ ၊ မကြာသေးမီက ဇီယွန်ဝါဒီများ၏ တိုက်ခိုက်မှုအတွင်း ရာနှင့်ချီသော ဂါဇာ ကလေးများ အသက်ပေးခံခဲ့ရ

အဲဟ်လေ့ဘိုက်(သ) (အလိုင်ဟေမွစ်စလာမ်) သတင်းဌာန ၊ အဗ်နာ

IRNA ၏ အဆိုအရ UNICEF က အပစ်အခတ်ရပ်စဲရေးကတိကို ဖောက်ဖျက်ပြီး ဂါဇာကမ်းမြှောင်တွင် ဗုံးကြဲတိုက်ခိုက်ခြင်း နှင့် မြေပြင်စစ်ဆင်ရေးများ ပြန်လည်စတင်ခြင်းတို့ကြောင့် အနည်းဆုံး ကလေး ၃၂၂ ဦး သေဆုံးပြီး အခြားကလေးငယ် ၆၀၉ ဦး ဒဏ်ရာရရှိခဲ့ကြောင်း ထုတ်ပြန် ခဲ့ပါတယ်။

တစ်နည်းဆိုရသော် လွန်ခဲ့သည့် ဆယ်ရက်အတွင်း နေ့စဉ် ကလေးပေါင်း တစ်ရာကျော် ကွပ်မျက်ခြင်း သို့မဟုတ် မသန်မစွမ်း ဘဝသို့ရောက်  ခြင်းကို ခံနေရပါတယ်။

အဆိုပါကလေးငယ်အများစုမှာ နေရပ်စွန့်ခွာပြီး ယာယီတဲများ သို့မဟုတ် ပျက်စီးနေသော အိမ်များတွင် ခိုလှုံခဲ့ကြသည်ဟု UNICEF မှ ထပ်လောင်းပြောကြားခဲ့ပါတယ်။

အဖွဲ့အစည်း၏အဆိုအရ ၎င်းတို့တွင် ဂါဇာကမ်းမြှောင်တောင်ပိုင်းရှိ ခန်းယူနွစ် ရှိ နာဆေရ်  ဆေးရုံ အရေးပေါ်ဌာန တိုက်ခိုက်ခံရမှုတွင် အသက်ဆုံးရှုံးခဲ့ရသော သို့မဟုတ် ဒဏ်ရာရရှိသွားသော ကလေးငယ်များ ပါဝင်ကြောင်း သိရပါတယ်။

UNICEF အမှုဆောင်ဒါရိုက်တာ Catherine Russell က အပစ်အခတ်ရပ်စဲရေးသည် ဂါဇာရှိကလေးများ အလွန် လိုအပ်နေသည့် ဘေးကင်းလုံခြုံရေးပိုက်ကွန်တစ်ခုကို ပေးဆောင်ခဲ့သည်ဟု ကြေညာချက်တွင် ဖော်ပြထား ပါတယ်။

ကလေးငယ်တွေဟာ သေစေလောက်တဲ့ အကြမ်းဖက်မှုနဲ့ ဆုံးရှုံးနစ်နာမှုများဆိုသည့် တွင်းထဲကို တစ်ဖန်ပြန် ကျနေ တယ် လို့ သူက ထပ်လောင်းပြောကြားခဲ့ပါတယ်။

လွန်ခဲ့သည့် နှစ်ပတ်နီးပါးက ဂါဇာကမ်းမြောင်ဒေသကို နယ်ချဲ့ အစ္စရေးက ဗုံးကြဲတိုက်ခိုက်ပြီးနောက် မတ် ၁၈ ရက်တွင် မြေပြင်စစ်ဆင်ရေးအသစ် စတင်ခဲ့ပါတယ်။

ဟားမတ်စ်တို့နှင့် စစ်ပွဲအတွင်း နှစ်လနီးပါးကြာ အပစ်အခတ်ရပ်စဲရေး အဆုံးသတ်ခဲ့ခြင်းသည် ဆက်စပ် စေ့စပ်ညှိနှိုင်းမှုတွင် ရှေ့မတိုးနောက်မဆုတ် ဖြစ်ခဲ့ရပါတယ်။

ဂါဇာကမ်းမြောင်ဒေသရှိ ကျန်းမာရေးဝန်ကြီးဌာနက စစ်ပွဲ ပြန်လည်စတင်ချိန်မှစ၍ အစ္စရေး၏ တိုက်ခိုက်မှုများ တွင် အနည်းဆုံး လူပေါင်း ၁၀၀၁ ဦး ရှဟီးဒ် ဖြစ် ခဲ့ကြောင်း ကြေညာခဲ့ပါတယ်။

.......................................................

END / 251