မက္ကဆီကိုက ၂၀၂၆ ကမ္ဘာ့ဖလားတွင် အီရန်အသင်း၏ ပွဲများကို လက်ခံကျင်းပရန် အသင့်ရှိကြောင်း ကြေညာ

အဲဟ်လေ့ဘိုက်(သ) (အလိုင်ဟေမွစ်စလာမ်) သတင်းဌာန ၊ အဗ်နာ

မက္ကဆီကိုသမ္မတက ၂၀၂၆ ကမ္ဘာ့ဖလားတွင် အီရန်အသင်း၏ ပထမအဆင့်ပွဲများကို မက္ကဆီကိုနိုင်ငံတွင် လက်ခံ ကျင်းပရန် အသင့်ရှိကြောင်း ပြောကြားခဲ့ပါတယ်။

« ကလော်ဒီယာ ရှင်ဘောင်မ် (Claudia Sheinbaum) »  သည် မတ်လ ၁၇ရက်နေ့ အင်္ဂါနေ့တွင် ၂၀၂၆ ကမ္ဘာ့ဖလားတွင် အီရန်အသင်း၏ ပွဲများကို မက္ကဆီကိုတွင် လက်ခံကျင်းပရန် သင်တို့ အလိုရှိပါသလား? ဟု မေးမြန်းခဲ့ရာ ဟုတ်ပါတယ် ဟု ပြန်လည်ဖြေကြားခဲ့ပါတယ်။

သူမက ထပ်မံ၍ မက္ကဆီကို သည် ကမ္ဘာပေါ်ရှိ နိုင်ငံအားလုံးနှင့် သံတမန်ဆက်ဆံရေး ရှိကြောင်း ထို့ကြောင့် ဤကိစ္စနှင့် ပတ်သက်၍ ဖီဖာ (FIFA) ၏ ဆုံးဖြတ်ချက်ကို ကျွန်ုပ်တို့ စောင့်မျှော်နေပါမည် ဖြစ်ကြောင်း ပြောကြား ခဲ့ပါတယ်။

ကမ္ဘာ့ဖလားဘောလုံးပြိုင်ပွဲများ၏ သမိုင်းတစ်လျှောက် မဖြစ်ဖူးသေးသော အဖြစ်အပျက်တစ်ရပ်အဖြစ်၊ ပြိုင်ပွဲ စတင်ရန် ၁၀၀ ရက်ထက်နည်းသော အချိန်သာ ကျန်ရှိနေချိန်တွင် « ကမ္ဘာလုံးဆိုင်ရာ လွတ်လပ်ရေးကို ကာကွယ် သူ » ဟု ကိုယ်တိုင်ဆိုထားသော နိုင်ငံတစ်နိုင်ငံ၏ သမ္မတက ခြိမ်းခြောက်မှုပါဝင်သည့် မက်ဆေ့ခ်ျတစ်ခု ထုတ်ပြန် ကာ ၂၀၂၆ ပြိုင်ပွဲတွင် အီရန်အမျိုးသားဘောလုံးအသင်း၏ ပါဝင်မှုကို « မလုံခြုံ  »  ဟု ဖော်ပြခဲ့ပါတယ်။

ဤခြိမ်းခြောက်မှုကို အမေရိကန်သမ္မတ ထရမ့်က ထုတ်ပြန်ခဲ့ခြင်းဖြစ်ပြီး၊ အမေရိကန်သည် ဇီယွန် အုပ်ချုပ်ရေးနှင့် မိတ်ဖက်ဖြစ်ကာ အခြားနိုင်ငံများအပေါ် ကျူးကျော်မှုများပြုလုပ်နေသော အစိုးရတစ်ရပ်ဟု ဖော်ပြထား ပါတယ်။  မကြာသေးမီကာလများအတွင်း အီရန်ပြည်သူများအပေါ် ရန်လိုမှုများကိုလည်း အမေရိကန်က ပြသခဲ့ပြီး၊ ထိုအခြေအနေများကြောင့် အပြစ်မဲ့ပြည်သူများ၊ အမျိုးသမီးများနှင့် ကလေးများ အသက်ဆုံးရှုံးခဲ့ကြသည်။ ယင်းအဖြစ်အပျက်များသည် ၎င်းတို့၏ မကောင်းသော မူဝါဒကို ကမ္ဘာရှေ့တွင် ထင်ရှားစေခဲ့ပါတယ်။

အမေရိကန်၏ တိုက်ရိုက်ထောက်ခံမှုဖြင့် ဇိုင်ယွန်အစိုးရက မကြာသေးမီက အီရန်မြေပြင်အပေါ် ပြုလုပ်ခဲ့သော ပြင်းထန်သည့် တိုက်ခိုက်မှုများကြောင့် တော်လှန်ရေးခေါင်းဆောင်နှင့် အပြစ်မဲ့ အမျိုးသမီးများ၊ ကလေးများ အများအပြား သေဆုံးခဲ့ပြီး ယင်းဖြစ်ရပ်သည် ထိုနိုင်ငံ၏ အမှန်တကယ် အကျင့်စရိုက်ကို ထပ်မံ၍ ကမ္ဘာသို့ ပြသလိုက်ခြင်း ဖြစ်ပါတယ်။

အပြည်ပြည်ဆိုင်ရာ ဥပဒေများနှင့် ဖီဖာ (FIFA) ၏ အခြေခံစည်းမျဉ်းများအရ ကမ္ဘာ့ဖလားပြိုင်ပွဲတွင် ပါဝင်သော အသင်းအားလုံး၏ လုံခြုံရေးကို ပြိုင်ပွဲကျင်းပရာ နိုင်ငံအတွင်း တာဝန်ယူကာ အာမခံပေးရမည့် အဓိက တာဝန်မှာ ပြိုင်ပွဲစီမံကွပ်ကဲသူဖြစ်သော ဖီဖာထံတွင် တိုက်ရိုက် ရှိပါတယ်။  သို့သော် အိမ်ရှင်နိုင်ငံ၏ သမ္မတတစ်ဦးက အမျိုးသားအသင်းတစ်သင်းကို ခြိမ်းခြောက်ခြင်းသည် ကမ္ဘာ့အားကစားသမိုင်းတွင် အလွန်ရှားပါးသည့် ဖြစ်ရပ်တစ်ခုအဖြစ် မှတ်တမ်းဝင်ခဲ့ပါတယ်။

++++++++++++++++++++++++++++++++++++++++++++++++++

END / 251