အမေရိကန် ရှီအဟ် မွတ်စလင်မ် ဖောင်ဒေးရှင်းက အာဖဂန်နစ္စတန်တွင် ဖမ်းဆီးခံထားရသော အာလင်မ် များ၏ အခြေအနေကို စောင့်ကြည့်ဆောင်ရွက်ပေးရန် ကုလသမဂ္ဂအား တောင်းဆို

အဲဟ်လေ့ဘိုက်(သ) (အလိုင်ဟေမွစ်စလာမ်) သတင်းဌာန ၊ အဗ်နာ

ရှီအဟ် မွတ်စလင်မ် ဖောင်ဒေးရှင်း က ကြေညာချက်ထုတ်ပြန်ရာတွင် ကဘူးလ်မြို့ရှိ ရှီအဟ် များ၏ ထင်ရှားသော ဘာသာရေး၊ ပညာရေး နှင့် မီဒီယာအဖွဲ့အစည်းများအပေါ် တာလီဘန်တို့၏ ဖိနှိပ်မှုများ ပိုမိုပြင်းထန်လာခြင်းနှင့် ရှီအာဘာသာရေးပညာရှင်များ၊ ထင်ရှားသူအချို့ကို ဖမ်းဆီးထားခြင်းတို့အပေါ် အလွန်စိုးရိမ်ကြောင်း ဖော်ပြခဲ့သည်။ ထို့အပြင် ဖမ်းဆီးခံထားရသူများ၏ အခြေအနေကို အမြန်ဆုံး ရှင်းလင်းဖော်ပြပေးရန်နှင့် ၎င်းတို့အား လွှတ်ပေးရန် တောင်းဆိုခဲ့ပါတယ်။

အမေရိကန်ရှီအဟ် မွတ်စလင်မ် ဖောင်ဒေးရှင်း က ကဘူးလ်မြို့ရှိ “ခါသန်မိုလ်အန်ဗီယာ (ဆွ)” ဘာသာရေးပညာသင်ကျောင်းကို အာဖဂန်နစ္စတန် ရှီအဟ် ဘာသာရေးခေါင်းဆောင် ကွယ်လွန်သူ အာယာတိုလာ ရှိက်ခ် မိုဟမ္မဒ် အာဆစ်ဖ် မိုဟ်ဆနီက ၂၀၀၇ ခုနှစ်တွင် တည်ထောင်ခဲ့ခြင်းဖြစ်ကြောင်း ဖော်ပြခဲ့ပါတယ်။ ထိုအဆောက်အအုံတွင် ဘာသာရေးပညာသင်ကျောင်း၊ ခါတမ်အန်နဘီယင်း တက္ကသိုလ်နှင့် “တမဒွန်” ရုပ်မြင်သံကြားကွန်ရက်တို့ ပါဝင်တယ်။

ထို့အပြင် တာလီဘန်တို့က အဆိုပါအဆောက်အအုံ တည်ရှိရာမြေများသည် အစိုးရပိုင်မြေများဖြစ်သည်ဟု ပြောဆိုခြင်းကို ဖောင်ဒေးရှင်းက ပယ်ချခဲ့ပြီး ဘာသာရေးပညာသင်ကျောင်းတာဝန်ရှိသူများထံတွင် တရားဝင်နှင့် ပုဂ္ဂလိကပိုင်ဆိုင်မှု အထောက်အထားများ ရှိကြောင်း၊ ထိုကိစ္စကိုလည်း တရားရုံးများတွင် စစ်ဆေးနေဆဲဖြစ်ကြောင်း ပြောကြားခဲ့ပါတယ်။

ထင်ရှားသည်မှာ လွန်ခဲ့သည့်တစ်ပတ်က တာလီဘန်တပ်ဖွဲ့များသည် ဘာသာရေးပညာသင်ကျောင်းအဆောက်အအုံများကို ဝိုင်းပတ်ပိတ်ဆို့ပြီး တာဝန်ရှိသူများ၊ ဆရာများနှင့် ကျောင်းသားများအား အဆောက်အအုံမှ အတင်းအကျပ် ထွက်ခွာစေခဲ့သည်။ ထိုဖြစ်စဉ်အတွင်း ဆရာများနှင့် ကျောင်းသား ၂၈ ဦး  ဖမ်းဆီးခံခဲ့ရပြီး အဆိုပါအဆောက်အအုံ၏ အကြီးအကဲ H.I မိုဟမ္မဒ်ဂျာဝါဒ် မိုဟ်ဆနီ၏ ပြောကြားချက်အရ လူအချို့ ပြန်လည်လွတ်မြောက်လာခဲ့သော်လည်း ၂၄ ဦးမှာ ဖမ်းဆီးထိန်းသိမ်းခံနေရဆဲ  ဖြစ်ပါတယ်။

ရှီအဟ် ခေါင်းဆောင်များကို ဖမ်းဆီးခြင်းနှင့် ရှီအဟ် အမြင့်ဆုံးကောင်စီကို ဝိုင်းပတ်ပိတ်ဆို့ခြင်း

ကြေညာချက်၏ အခြားအပိုင်းတွင် ဘာသာရေးပညာသင်ကျောင်းကို သိမ်းယူရန် ကြိုးပမ်းမှုနှင့် တစ်ပြိုင်နက် တာလီဘန်တပ်ဖွဲ့များသည် ထိုကိစ္စကို ဆွေးနွေးဖြေရှင်းရန် စုဝေးလာသည့် ရှီအဟ် နှင့် ဟာဇာရာကိုယ်စားလှယ်များ၊ ခေါင်းဆောင်များ၏ အစည်းအဝေးကို ဝင်ရောက်ပစ်မှတ်ထားခဲ့ကြောင်း ဖော်ပြထားသည်။ ထိုအချိန်တွင် ထင်ရှားသော ပုဂ္ဂိုလ်များဖြစ်သည့် “ဆယက်ဒ်  ဆိုဖီ ဂါဒီဇီ”၊ “ဆယက်ဒ်  ဟဆန် ရှာရစ်ဖ် ဘယ်လ်ခါဘီ” နှင့် “ဟိုစိုင်းန် ဆန်ဂါဒေါ့စ်” တို့အပါအဝင် လူအချို့ကို ဖမ်းဆီးခဲ့ပါတယ်။

ထို့အပြင် စက်တင်ဘာလ  ၈ ရက်နေ့ တွင် တာလီဘန်တပ်ဖွဲ့များက အာဖဂန်နစ္စတန် ရှီအဟ် အမြင့်ဆုံးကောင်စီ ရုံးအဆောက်အအုံကိုလည်း ဝိုင်းပတ်ပိတ်ဆို့ခဲ့ပါတယ်။

ရှိက်ခ်  မိုဟမ္မဒ်ဟဆန် မိုဟ်ဆနီ ပျောက်ဆုံးနေမှုအပေါ် အလွန်စိုးရိမ်

အမေရိကန် ရှီအဟ် မူစလင်ဖောင်ဒေးရှင်းသည် အာယာတိုလာ အာဆစ်ဖ် မိုဟ်ဆနီ၏ သားအကြီးနှင့် အရိုက်အရာဆက်ခံသူ **ရှိတ် မိုဟမ္မဒ်ဟဆန် မိုဟ်ဆနီ** ဖမ်းဆီးခံရခြင်းအပေါ် အလွန်အမင်း စိုးရိမ်ကြောင်း ဖော်ပြခဲ့ပါတယ်။

ဖောင်ဒေးရှင်း၏ ပြောကြားချက်အရ ၎င်းအား ကဘူးလ်မြို့ရှိ နေအိမ်အနီးတွင် တာလီဘန်တပ်ဖွဲ့များက ဖမ်းဆီးပြီး မည်သည့်နေရာသို့ ပို့ဆောင်ခဲ့သည်ကို မသိရသေးသည့် နေရာတစ်ခုသို့ ခေါ်ဆောင်သွားခဲ့သည်။ ၎င်း၏ ကျန်းမာရေးအခြေအနေ သို့မဟုတ် ဖမ်းဆီးရသည့် အကြောင်းရင်းနှင့်ပတ်သက်၍ မည်သည့်သတင်းအချက်အလက်မျှ မရရှိသေးကြောင်းလည်း ဖောင်ဒေးရှင်းက ဆိုပါတယ်။

ဖောင်ဒေးရှင်းက ၎င်း၏ အသက်နှင့် ကျန်းမာရေးကို ကာကွယ်စောင့်ရှောက်ရန် **တာလီဘန်အာဏာပိုင်များတွင် တိုက်ရိုက်တာဝန်ရှိသည် ဟု အလေးပေးပြောကြားခဲ့ပါတယ်။

အမေရိကန် ရှီအဟ် မွတ်စလင်မ် ဖောင်ဒေးရှင်း၏ နိုင်ငံတကာအဖွဲ့အစည်းများထံ တောင်းဆိုချက်များ

အမေရိကန် ရှီအာမူစလင်ဖောင်ဒေးရှင်းက ၎င်း၏ ကြေညာချက်အဆုံးတွင် ယခုဖြစ်ရပ်များသည် မြေပိုင်ဆိုင်မှုဆိုင်ရာ အငြင်းပွားမှုတစ်ခုမျှသာ မဟုတ်ဘဲ အာဖဂန်နစ္စတန်ရှိ ရှီအာအသိုင်းအဝိုင်း၏ ဘာသာရေးလွတ်လပ်ခွင့်များကို ကန့်သတ်ရန်နှင့် ဖိအားပေးရန် စနစ်တကျ ကြိုးပမ်းမှုတစ်ရပ်ကို ပြသနေသည်ဟု ဖော်ပြခဲ့ပါတယ်။

ထို့ကြောင့် အမေရိကန်အစိုးရ၊ ကုလသမဂ္ဂနှင့် နိုင်ငံတကာ လူ့အခွင့်အရေးအဖွဲ့အစည်းများအား အောက်ပါကိစ္စများကို အရေးပေါ် ဆောင်ရွက်ပေးရန် တောင်းဆိုခဲ့ပါတယ်။

၁။ ရှိက်ခ်  မိုဟမ္မဒ်ဟဆန် မိုဟ်ဆနီနှင့် အခြားဖမ်းဆီးခံထားရသူများကို မည်သည့်နေရာတွင် ထိန်းသိမ်းထားသည်၊ ၎င်းတို့၏ ကိုယ်ရေးကျန်းမာရေးအခြေအနေ မည်သို့ရှိသည်ဆို သည်ကို ချက်ချင်းနှင့် ပွင့်လင်းမြင်သာစွာ ထုတ်ဖော်ပေးရန်။

၂။ ဖမ်းဆီးမှုများ၏ ဥပဒေရေးရာအကြောင်းပြချက်ကို ရှင်းလင်းစွာ ဖော်ပြပေးရန်နှင့် မိသားစုဝင်များ၊ ရှေ့နေများက ဖမ်းဆီးခံထားရသူများထံ အမြန်ဆုံး သွားရောက်တွေ့ဆုံခွင့် ရရှိစေရန်။

၃။ ဥပဒေအရ လုံလောက်သော အကြောင်းပြချက်မရှိဘဲ ဖမ်းဆီးခံထားရသော ဘာသာရေးကျောင်းသားများ၊ ဆရာများနှင့် ဘာသာရေးခေါင်းဆောင်များအားလုံးကို ခြွင်းချက်မရှိ လွှတ်ပေးရန်။

၄။ အာဖဂန်နစ္စတန်ရှိ ရှီအဟ်ဘာသာရေးနှင့် ပညာရေးအဖွဲ့အစည်းများကို သိမ်းယူသည့် လုပ်ငန်းစဉ်အပေါ် နိုင်ငံတကာ၏ စောင့်ကြည့်ကြီးကြပ်မှု ပြုလုပ်ပေးရန်၊ ထိုသို့ဖြင့် အာဖဂန်နစ္စတန်ရှိ ဘာသာရေးလူနည်းစုများ၏ အခွင့်အရေးနှင့် ဘာသာရေးလွတ်လပ်ခွင့်များကို အာမခံပေးရန်။ တို့ဖြစ်ပါတယ်။

++++++++++++++++++++++++++++++++++++++++++++++++++
END / 251