အဟ်လေ့ဘိုက်(အ.စ) သတင်းဌာန ၊ အဗ်နာ
ဇွန်လ ၄ရက်နေ့ နံနက် (၉)နာရီက မှ ရန်ကုန်မြို့ အတွင်းရှိ အစ္စလာမ် ဘာသာရေး ပညာရှင်များ မိတ်ဆုံစားပွဲ အခမ်းအနားတစ်ရပ်ကို စီစဉ်ကျင်းပခဲ့ကြောင်း သိရသည်။
အဆိုပါ အခမ်းအနားသို့ ဘာသာရေး ပညာရှင် (၆၀)ဦးခန့် နှင့် အစ္စလာမ်ဘာသာဝင် (၁၀)ဦးခန့် တက်ရောက်ခဲ့ကြောင်း သိရသည်။
အဆိုပါ အခမ်းအနားတွင် မြန်မာနိုင်ငံတွင်းဖြစ်ပွားခဲ့သော အကြမ်းဖက်မှုများနှင့် စပ်လျဉ်းပြီး ဖြေရှင်းသင့်သည့် နည်းလမ်းကောင်းများနှင့် အနာဂတ်တွင် မြန်မာနိုင်ငံသား အစ္စလာမ် ဘာသာဝင်များ အနေနှင့် ပြည်တွင်းတွင် ငြိမ်းချမ်းစွာ အတူယှဉ်တွဲနေထိုင်နိုင်ရေးတွင် ဆက်လက် ပါဝင်လုပ်ဆောင်သင့်သည့်ကိစ္စရပ်များကို ဆွေးနွေးသုံးသပ်ခဲ့ကြသည်။ ထိုဆွေးနွေးပွဲမှ သာသနာ့ပညာရှင်များ၊ အစ္စလာမ်ဘာသာဝင် ပြည်သူများနှင့် Mizzima Youth Network မှလူငယ်များစုပေါင်းကာ အနာဂတ်တွင် အစ္စလာမ်ဘာသာဝင်များ ငြိမ်းချမ်းစွာ အတူယှဉ်တွဲ နေထိုင်နိုင်ရေးကို ဆောင်ရွက်နိုင်ရန် အဖွဲ့တစ်ဖွဲ့ကို ဖွဲ့စည်းခဲ့ကြောင်းသတင်းရရှိပါသည်။
အခမ်းအနားကျင်းပရခြင်း ရည်ရွယ်ချက်နှင့် ပတ်သက်၍ မိတ်ဆုံစားပွဲ ဖိတ်ခေါ်ဆောင်ရွက်ခဲ့သော Mizzima Youth Network မှ လူငယ်တစ်ဦးဖြစ်သော ကိုရဲထူးအား M-Media မှ ဆက်သွယ်မေးမြန်းခဲ့ရာ ” လက်ရှိဖြစ်ပေါ်နေသည့် အခြေအနေနှင့် ပတ်သက်ပြီး အစ္စလာမ်ထုတစ်ရပ်လုံးဘက်မှ မားမားမတ်မတ် ခိုင်ခိုင်မာမာ မှန်ကန်စွာ ရပ်တည်ပေးနိုင်မယ့် ဦးဆောင်လမ်းပြမယ့်သူတွေ လိုအပ်နေသေးသည်ဟု ယူဆတဲ့ အတွက် အခုလို အခမ်းအနား ကျင်းပခဲ့ရခြင်း ဖြစ်ပါတယ်။
လက်ရှိ မြန်မာနိုင်ငံ တစ်ဝှမ်းလုံးတွင် ဖြစ်ပွားနေသော အစ္စလာမ်ဘာသာဝင်များအား အကြမ်းဖက်မှုများကို အစ္စလာမ် ဘာသာရေးပညာရှင်၏ မှန်ကန်စွာ ရပ်တည်သော လမ်းညွှန်မှု အောက်မှာ တစ်ပြည်လုံးရှိ အစ္စလာမ်ဘာသာဝင်များ တစ်ညီတညွှတ်တည်း ငြိမ်းချမ်းစွာ ဖြေရှင်းစေဖို့ ရည်ရွယ်ပါတယ်”ဟု ပြန်လည်ဖြေကြားခဲ့ပါတယ်။
အဆိုပါ အခမ်းအနားကို နံနက်(၉)နာရီတွင် စတင်ကျင်းပခဲ့ပြီး နေ့လည်(၂) နာရီတွင် အခမ်းအနားပြီးဆုံးခဲ့ကြောင်း သတင်းရရှိသည်။
