ဒုက္ခသည်စခန်းတွင် မိုဘိုင်းဖုန်းဝန်ဆောင်မှု ရပ်ဆိုင်းရန် ဘင်္ဂလားဒေ့ရ်ှအာဏာပိုင် ညွှန်ကြား

အဲဟ်လေ့ဘိုက်(သ) (အလိုင်ဟေမွစ်စလာမ်) သတင်းဌာန ၊ အဗ်နာ


ကော့ခ်ဘဇား ဒုက္ခသည်စခန်းတွေထဲမှာ မိုဘိုင်းဖုန်းဝန်ဆောင်မှုပေးနေတာကို ၇ ရက်အတွင်း ရပ်ဆိုင်းဖို့ တယ်လီဖုန်းအော်ပရေတာတွေကို ဘင်္ဂလားဒေ့ရှ် ဆက်သွယ်ရေးဆိုင်ရာ ထိန်းညှိရေးကော်မရှင် (BTRC)က ညွှန်ကြားလိုက်တယ်လို့ bdnews24 က ဒီနေ့ ရေးသားထားပါတယ်။

ဘင်္ဂလားဒေ့ရ်ှနိုင်ငံရဲ့ အမျိုးသားလုံခြုံရေး၊ တရားဥပဒေစိုးမိုးရေးနဲ့ ပြည်သူလူထု ဘေးကင်းလုံခြုံရေးအတွက် ဒုက္ခသည်တွေမိုဘိုင်းဖုန်းအသုံးပြုတာကို ရပ်ဆိုင်းထားမှာဖြစ်ကြောင်း BTRC လက်ထောက်ညွှန်ကြားရေးမှူးက ပြောပါတယ်။

“ရိုဟင်ဂျာဒုက္ခသည် အသိုင်းအဝန်းဟာ မိုဘိုင်းဖုန်း SIMs/RIMs တွေကို ပမာဏ အတော်များများအသုံးပြုနေကြတယ်ဆိုတာကို ရိုဟင်ဂျာ ဒုက္ခသည်စခန်းတွေဆီ သွားရောက်ခဲ့တဲ့ ကော်မတီတွေ၊ သတင်းစာတွေ၊ မီဒီယာတွေ၊ တရားဥပဒေ စိုးမိုးရေးတာဝန်ရှိသူတွေနဲ့ ထောက်လှမ်းရေးအေဂျင်စီတွေထံက သတင်းတွေရရှိခဲ့တယ်၊ ဒီအခြေအနေမှာ ရိုဟင်ဂျာ အသိုင်းအဝန်းမှာ ဘယ်လို SIM ကတ်မျိုးမှ မရောင်းချဖို့၊ SIM ကတ်သုံးစွဲတာတွေရပ်ဖို့နဲ့ ရိုဟင်ဂျာ အသိုင်းအဝန်းကို မိုဘိုင်းဖုန်းနဲ့ပတ်သက်တာတွေ ထောက်ပံ့ပေးတာတွေ မလုပ်ဖို့ လာမယ့် တပတ်အတွင်း လုပ်ဆောင်ဖို့ တောင်းဆိုခဲ့တယ်။”

ဘင်္ဂလားဒေ့ရ်ှနိုင်ငံမှာ တယ်လီဖုန်းဆက်သွယ်ရေးဝန်ဆောင်မှု အော်ပရေတာတွေဟာ BTRC ရဲ့ လိုအပ်သလို အခါအားလျှော်စွာ ထုတ်ပြန်တဲ့ ညွှန်ကြားချက်တွေအတိုင်း လိုက်နာခြင်းဖြင့် ပူးပေါင်းဆောက်ရွက် ရလေ့ရှိတာဖြစ်ပါတယ်။

အခုညွှန်ကြားချက်မှာ ဘိုင်အိုမက်ထရစ်နည်းပညာနဲ့ အတည်ပြုပြီးတဲ့ အမျိုးသားစိစစ်ရေး အချက်အလက်တင်ပြသူတွေကိုသာ မိုဘိုင်းဆင်းမ်ကတ် အသက်ဝင် အသုံးပြုခွင့်ရစေမယ်လို့ ဆိုလိုတာဖြစ်ကြောင်း မိုဘိုင်းဆက်သွယ်ရေးအော်ပရေတာများ အစည်းအရုံး အထွေထွေ အတွင်းရေးမှူးက ရှင်းပြထားပါတယ်။

ဆင်းမ် ကတ်တခုဟာ အမျိုးသားစိစစ်ရေးအချက်အလက် တိကျပြည့်စုံစွာ မှတ်ပုံတင်ပြီးမှသာ အသုံးပြုရမယ်လို့ အခုညွှန်ကြားချက်က ဆိုလိုတာဖြစ်ပြီး ဘိုင်အိုမက်ထရစ် နည်းပညာနဲ့ တဦးချင်းစီ အတည်ပြုပြီးတဲ့ အမျိုးသားစိစစ်ရေး အထောက်အထား မတင်ပြ နိုင်သရွေ့ ဆင်းမ်ကတ်အသစ်တခု မရနိုင်ကြောင်း မိုဘိုင်းဆက်သွယ်မှု ပူးပေါင်းဆောင်ရွက်ရေးနှင့် စည်းကမ်းထိန်းညှိရေး အရာရှိချုပ်က ပြောပါတယ်။

====================================

END / 251