ရင်းနှီးမြှုပ်နှံ မှု သစ် ၁၅ ခုကို လုပ်ကိုင် ခွင့်ပေးခဲ့ သည်ဟု စစ်ကောင်စီ ထုတ်ပြန်

အဲဟ်လေ့ဘိုက်(သ) (အလိုင်ဟေမွစ်စလာမ်) သတင်းဌာန ၊ အဗ်နာ




စုစုပေါင်း အမေရိကန်ဒေါ်လာ ၃.၇ ဘီလီယံ တန်ဖိုးရှိတဲ့ စီးပွားရေးစီမံကိန်းသစ် ၁၅ ခုကို လုပ်ကိုင်ခွင့်ပေးလိုက်တယ်လို့ စစ်ကောင်စီက ထုတ်ပြန်ပါတယ်။

မြန်မာနိုင်ငံ ရင်းနှီးမြှုပ်နှံမှုကော်မရှင်က သောကြာနေ့မှာ ခွင့်ပြုပေးလိုက်တာလို့ ရင်းနှီးမြှုပ်နှံမှုနှင့် ကုမ္ပဏီများညွှန်ကြားမှုဦးစီးဌာနရဲ့ ဝဘ်ဆိုက်မှာ လွှင့်တင်ထားပါတယ်။ စစ်အာဏာသိမ်းပြီးနောက်ပိုင်း စီးပွားရေး တစ်ဟုန်ထိုး ကျဆင်းနေတဲ့အချိန်မှာ ဒီလိုသတင်းမျိုး ထွက်ပေါ်လာတာပါ။

ခွင့်ပြုလိုက်တဲ့ စီမံကိန်းတွေထဲမှာ ကန်ဒေါ်လာ ၂.၅ ဘီလီယံတန်တဲ့ ဓာတ်ငွေ့ရည် ဓာတ်အားပေးလုပ်ငန်း၊ ကုန်ထုတ်လုပ်မှုလုပ်ငန်း၊ မွေးမြူရေးလုပ်ငန်းနဲ့ ဝန်ဆောင်မှုလုပ်ငန်းတွေ ပါဝင်တယ်လို့ ကြေငြာချက်က ဆိုပါတယ်။

ဘယ်နိုင်ငံက ကုမ္ပဏီတွေ ဒီရင်းနှီးမြှုပ်နှံမှုကို ရရှိသွားလဲဆိုတာကိုတော့ ဖော်ပြထားခြင်း မရှိပါဘူး။ မြန်မာနိုင်ငံမှာ ရင်းနှီးမြှုပ်နှံမှု အများဆုံးလုပ်ထားတဲ့ နိုင်ငံတွေက တရုတ်၊ စင်ကာပူနဲ့ ထိုင်းနိုင်ငံတို့ ဖြစ်ပါတယ်။

အာဏာသိမ်းပြီးနောက်ပိုင်း ဖြစ်ပေါ်လာတဲ့ မတည်ငြိမ်မှုတွေ၊ စစ်ကောင်စီရဲ့ ထင်ရာစိုင်း မူဝါဒတွေကြောင့် အခုနှစ်အတွင်း မြန်မာ့စီးပွားရေး ၂၀ ရာခိုင်နှုန်းလောက် ကျဆင်းမယ်လို့ နိုင်ငံတကာ စီးပွားရေးစောင့်ကြည့်မှုအဖွဲ့ Fitch Solutions က ခန့်မှန်းထားပါတယ်။

***********************************************************************
END / 251