အဲဟ်လေ့ဘိုက်(သ) (အလိုင်ဟေမွစ်စလာမ်) သတင်းဌာန ၊ အဗ်နာ
မြန်မာနိုင်ငံငြိမ်းချမ်းရေး အာဆီယံအထူးကိုယ်စားလှယ်ရဲ့ ကြားဝင်ဆောင်ရွက်မယ့် ကိစ္စဟာ စီစဉ်ထားတဲ့အတိုင်း ဖြစ်လာမယ်လို့ မျှော်လင့်ကြောင်း မလေးရှားအစိုးရသစ်ရဲ့ နိုင်ငံခြားရေးဝန်ကြီး ဒါတွတ် ဆရီ ဆိုက်ဖူဒင် အဘ်ဒူလာက ပြောပါတယ်။
မလေးရှားဟာ ဖေဖော်ဝါရီ ၁ ရက်နေ့ စစ်တပ်အာဏာသိမ်းမှုကို ကန့်ကွက်ထားပြီး စစ်ကောင်စီကို အသိအမှတ်ပြုမှာ မဟုတ်ဘူးလို့ လူသိရှင်ကြား ပြောကြားထားတဲ့ နိုင်ငံပါ။
နိုင်ငံခြားရေးဝန်ကြီးအဖြစ် ဒီကနေ့ပြုလုပ်တဲ့ ပထမဆုံး သတင်းစာရှင်းလင်းပွဲမှာ ဆိုက်ဖူဒင်က မြန်မာနိုင်ငံဆိုင်ရာ အာဆီယံအထူးကိုယ်စားလှယ်နဲ့ တွေ့ဆုံဖို့ ရှိတယ်လို့ ပြောပါတယ်။
မလေးရှားနိုင်ငံခြားရေးဝန်ကြီး ဆိုက်ဖူဒင်
“အထူးကိုယ်စားလှယ် ခန့်အပ်မှုမှာ မလေးရှာဟာ အဓိကကျတဲ့ အခန်းကဏ္ဍကနေ ပါဝင်ခဲ့ပါတယ်။ အခြေအနေတွေကို အကျဉ်းချုပ် ကျွန်တော့်ကို အစီရင်ခံထားတာမျိုး ရှိနေပြီး၊ အထူးကိုယ်စားလှယ်ဟာ သူ့တာဝန်ကို ကျေပွန်အောင် ထမ်းဆောင်နိုင်လိမ့်မယ်လို့လည်း ကျွန်တော် ယုံကြည်ပါတယ်”
စစ်တပ်က အာဏာသိမ်းပြီးနောက် ဖြစ်ပေါ်လာတဲ့ မြန်မာနိုင်ငံက မတည်ငြိမ်မှုတွေကို ဖြေရှင်းပေးဖို့အတွက် အာဆီယံအဖွဲ့က ကြိုးစားနေပြီး၊ ဘရူနိုင်း ဒုတိယနိုင်ငံခြားရေးဝန်ကြီး အရီဝမ် မိုဟာမက် ယူစွဖ်ကို မြန်မာနိုင်ငံဆိုင်ရာ အထူးကိုယ်စားလှယ်အဖြစ် ခန့်အပ်ခဲ့ပါတယ်။
အာဆီယံဟာ ဧပြီလအတွင်း ပြုလုပ်ခဲ့တဲ့ ထိပ်သီးအစည်းအဝေးမှာ ရရှိထားတဲ့ သဘောတူညီချက် ၅ ချက်အတိုင်း မြန်မာပြဿနာကို ဖြေရှင်းဖို့ ကြိုးပမ်းနေတာ ဖြစ်ပါတယ်။
မလေးရှားနိုင်ငံခြားရေးဝန်ကြီး ဆိုက်ဖူဒင်က အရီဝမ်နဲ့ မကြာခင်တွေ့ဆုံမှုမှာ အပြုသဘောဆောင်တဲ့ရလဒ်တွေ ရကာ အရီဝမ်ရဲ့ ရည်မှန်းချက်တွေကို ပြည့်မီအောင် ကူညီဆောင်ရွက်ပေးနိုင်မယ်လို့ မျှော်လင့်ကြောင်း ထည့်သွင်းပြောဆိုခဲ့ပါတယ်။
****************************************************************
END / 251
