မြန်မာခရီးစဉ်အကြောင်း အာဆီယံအထူးကိုယ်စားလှယ် ဘာပြောလဲ

အဲဟ်လေ့ဘိုက်(သ) (အလိုင်ဟေမွစ်စလာမ်) သတင်းဌာန ၊ အဗ်နာ


ပြီးခဲ့တဲ့တစ်ပတ် မြန်မာခရီးစဉ်မှာ တိုးတက်မှုအနည်းငယ် ရရှိပြီး ၀ဖေန်မှုတွေကို နားလည်တယ်လို့ မြန်မာနိုင်ငံဆိုင်ရာ အာဆီယံ အထူးကိုယ်စားလှယ် ပရက်ဆိုခွန်က ပြောကြားလိုက်ပါတယ်။ အတိုက်အခံတွေကို သူက ၀ဖေန်ခဲ့ပါတယ်။

အာဆီယံ သဘောတူညီချက် ၅ ချက်ပါ တွေ့ဆုံဆွေးနွေးရေးအတွက် ကမ္ဘောဒီးယားနိုင်ငံခြားရေးဝန်ကြီးလည်းဖြစ်တဲ့ ပရက်ဆိုခွန်ဟာ မတ်လ ၂၁ ရက်နေ့က ၂၃ ရက်နေ့အထိ မြန်မာနိုင်ငံကို လာရောက်ခဲ့တာ ဖြစ်ပါတယ်။

ခရီးစဉ်အတွင်း စစ်ခေါင်းဆောင် ဗိုလ်ချုပ်မှုးကြီး မင်းအောင်လှိုင်၊ အာဆီယံနိုင်ငံက သံအမတ်တွေ၊ ပြည်သူ့ပါတီက ဦးကိုကိုကြီး စသဖြင့် တွေ့ဆုံခဲ့ပါတယ်။ NLD က သမ္မတဟောင်း ဦးထင်ကျော်ရဲ့ဇနီး ဒေါ်စုစုလွင်နဲ့ တွေ့ဆုံဖို့ စစ်ကောင်စီက စီစဉ်ပေးခဲ့ပေမယ့် မတွေ့ဖြစ်ပါဘူး။

သက်ဆိုင်သူတစ်ချို့နဲ့ စစ်ကောင်စီက တွေ့ခွင့်ပေးတဲ့အတွက် အားတက်ရတယ်လို့ ပရက်ဆိုခွန်က ခရီးစဉ်နဲ့ပတ်သက်ပြီး ဒီနေ့မှာ ပြောကြားခဲ့ပါတယ်။ ဒါပေမယ့် အပစ်ရပ်ရေးနဲ့ အကြမ်းဖက်မှု ရပ်တန့်ရေး လတ်တလော မဖြစ်နိုင်သေးဘူးလို့ သူက ဆိုပါတယ်။

အာဏာသိမ်းစစ်ခေါင်းဆောင်က ဒေါ်အောင်ဆန်းစုကြည်ဟာ တရားစွဲဆိုခံထားရတဲ့အတွက် ဥပဒေကြောင်းအရ တွေ့ခွင့်မပေးနိုင်တဲ့အကြောင်း ရှင်းပြခဲ့ပြီး၊ နောက်ပိုင်းမှာ တွေ့ခွင့်ရအောင် စီစဉ်ဖို့ စဉ်းစားပေးမယ်လို့ ပြောခဲ့ကြောင်း ပရက်ဆိုခွန်က ထည့်သွင်းပြောဆိုခဲ့ပါတယ်။

အပြစ်တင်

လက်နက်ကိုင်တော်လှန်ရေးလုပ်နေတဲ့ အဖွဲ့အစည်းတွေကို ပရက်ဆိုခွန်က ပြစ်တင်ပြောဆိုခဲ့ပါတယ်။

စစ်ခေါင်းဆောင်ဟာ အလင်းရောင်ဝင်လာဖို့အတွက် ပြတင်းပေါက် ဖွင့်ပေးလိုက်ပြီး အဲဒီကနေတစ်ဆင့် သက်ဆိုင်သူတွေအားလုံးပါဝင်တဲ့ မျိုးသားရင်ကြားစေ့ရေး လမ်းကြောင်းပေါ်လာမယ်လို့ ဆိုပါတယ်။

အတိုက်အခံဖက်ကတော့ တွေ့ဆုံညှိနှိုင်းဖို့ မလိုလားဘဲ ဆက်လက်တိုက်ခိုက်နေတယ်လို့ ပရက်ဆိုခွန်က ပြစ်တင်ပြောဆိုခဲ့ပါတယ်။

လူသားချင်းစာနာထောက်ထားမှုဆိုင်ရာ အကူအညီတွေဟာ မြန်မာနိုင်ငံမှာ ပုံနေပြီး တိုက်ခိုက်မှုတွေဖြစ်နေတာကြောင့် မ၀နေိုင်သေးကြောင်း၊ ဒါတွေကို ခွဲဝပေးရေး ဧပြီ ဒါမှမဟုတ် မေလမှာ သက်ဆိုင်သူအားလုံးပါဝင်တဲ့ ညီလာခံတစ်ခု ကျင်းပသွားမှာဖြစ်ကြောင်း အာဆီယံ အထူးကိုယ်စားလှယ်က ပြောပါတယ်။

ပရက်ဆိုခွန်ရဲ့ ဒီခရီးစဉ်ဟာ အာဏာသိမ်းစစ်ကောင်စီကို အသိအမှတ်ပြုသလို ဖြစ်လိမ့်မယ်ဆိုတဲ့ ၀ဖေန်မှုတွေ ရှိနေပြီး သူက ဒီဝဖေန်မှုတွေကို နားလည်ကြောင်း၊ မြန်မာနိုင်ငံမှာ ငြိမ်းချမ်းရေးရဖို့အတွက် ကမ္ဘောဒီးယားက ကြိုးပမ်းပေးတာဖြစ်ကြောင်း တုန့်ပြန်ပြောဆိုခဲ့ပါတယ်။
****************************************************************
END / 251