ရိုဟင်ဂျာဒုက္ခသည်စခန်းရှိ အကြီးဆုံး ကိုယ်ထူကိုယ်ထကျောင်းကို ဘင်္ဂလားဒေ့ရှ် ပိတ်ပစ်

အဲဟ်လေ့ဘိုက်(သ) (အလိုင်ဟေမွစ်စလာမ်) သတင်းဌာန ၊ အဗ်နာ

ရိုဟင်ဂျာဒုက္ခသည်စခန်းမှာ ဖွင့်လှစ်ထားတဲ့ အကြီးဆုံး စာသင်ကျောင်းတစ်ခုကို ခွင့်ပြုချက်မရှိဆိုတဲ့ ခေါင်းစဉ်နဲ့ ဘင်္ဂလားဒေ့ရှ် အာဏာပိုင်တွေက ပိတ်ပစ်လိုက်ပါတယ်။

ဘင်္ဂလားဒေ့ရ်ှဟာ ပြီးခဲ့တဲ့နှစ် ဒီဇင်ဘာလကတည်းက စတင်ပြီး ဒုက္ခသည်စခန်းက ကျောင်းတွေကို ပိတ်ပစ်နေတာ ဖြစ်ပါတယ်။ စခန်းထဲက အကြီးဆုံးကျောင်း ‘ကာယာပူရီ’ ဟာ ပြီးခဲ့တဲ့တစ်ပတ်က ပိတ်ခံခဲ့ရပါတယ်။

“သတ်မှတ်ထားတဲ့ ခွင့်ပြုချက်မရှိဘဲ ဘယ်သူကမှ စာသင်ကျောင်း ဖွင့်လို့မရပါဘူး။ ဒါကို လက်မခံနိုင်ပါဘူး” လို့ ဘင်္ဂလားဒေ့ရ်ှအစိုးရ တာဝန်ရှိသူ တစ်ဦးက AFP သတင်းဌာနကို ပြောကြားခဲ့ပါတယ်။

ကာယာပူရီကျောင်းကို ထင်ရှားတဲ့ ရိုဟင်ဂျာခေါင်းဆောင် မိုဟီဘူလာက ဖွင့်လှစ်ထားတာ ဖြစ်ပါတယ်။ ဆရာတွေက ကိုယ်ထူကိုယ်ထ အိတ်စိုက်ကာ ဖွင့်လှစ်ထားတာဖြစ်ပြီး မြန်မာနိုင်ငံက သင်ရိုးညွှန်းတမ်းအတိုင်း သင်ကြားတာပါ။

ဒီကျောင်းမှာ ကျောင်းသား အယောက် ၆၀၀ လောက် တက်ရောက်နေပါတယ်။ ကျောင်းတည်ထောင်သူ မိုဟီဘူလာဟာ ပြီးခဲ့တဲ့နှစ် စက်တင်ဘာလက လုပ်ကြံခံလိုက်ရပါတယ်။

၁၉၇၀ ပြည့်နှစ်တွေကတည်းက မြန်မာနိုင်ငံမှာ ဖိနှိပ်မှုတွေကြောင့် ရိုဟင်ဂျာတွေဟာ ဘင်္ဂလားဒေ့ရ်ှဖက် ထွက်ပြေးခဲ့ရပြီး လက်ရှိမှာ ဒုက္ခသည် တစ်သန်းလောက် ခိုလှုံနေရပါတယ်။ ၂၀၁၇-၂၀၁၈ မြန်မာစစ်တပ်က ရိုဟင်ဂျာတွေအပေါ် ကျူးလွန်မှုတွေကို ကမ္ဘာက ပိုမို အာရုံစိုက်လာခဲ့ပြီး ကုလလသမဂ္ဂက လူမျိုးတုန်းသတ်ဖြတ်မှု မြောက်တယ်လို့ ပြောထားပါတယ်။

ကုလသမဂ္ဂ ကလေးငယ်များ ကူညီစောင့်ရှောက်ရေးအဖွဲ့ UNICEF ဟာ ဒုက္ခသည်စခန်းမှာရှိတဲ့ အသက် ၄ နှစ်ကနေ ၁၄ နှစ်အထိ ကလေးငယ်တွေကို အခမဲ့ ပညာသင်ပေးပေမယ့် ၁၄ နှစ်အထက် လူငယ်တွေကတော့ ကိုယ်ထူကိုယ်ထကျောင်းတွေ၊ အစ္စလာမ်ဘာသာရေးကျောင်းတွေမှာ ပညာသင်ယူနေရတာ ဖြစ်ပါတယ်။

ဘင်္ဂလားဒေ့ရ်ှအစိုးရဟာ ရိုဟင်ဂျာဒုက္ခသည်တွေ ပညာသင်ကြားခွင့်ရအောင် စီစဉ်မပေးထားပါဘူး။

****************************************************************
END / 251