စစ်ကောင်စီ ကားအား မိုင်းဆွဲ တိုက်ခိုက် သည့် ဖြစ်စဉ်တွင် ARA ရဲဘော် ၂ ဦးကျဆုံး

အဲဟ်လေ့ဘိုက်(သ) (အလိုင်ဟေမွစ်စလာမ်) သတင်းဌာန ၊ အဗ်နာ

စစ်ကိုင်းတိုင်းဒေသကြီး ၊အရာတော်မြို့နယ် ၊ပါရမီကျေးရွာနှင့် ကြာပင်လှကျေးရွာကြားတွင် အောက်တိုဘာလ ၁၅ ရက် နံနက်ပိုင်းက စစ်ကောင်စီ ယာဉ်တန်းအား မိုင်းဆွဲတိုက်ခိုက်မှုတွင် အရာတော်မြို့နယ် တော်လှန်ရေး အင်အားစုအဖွဲ့မှ (ARA) ရဲဘော်နှစ်ဦးမှာ ကျဆုံးခဲ့ကြောင်း ARA အဖွဲ့ တာဝန်ရှိသူက မဇ္ဈိမကို ဆက်သွယ်ပြောဆိုသည်။

အဆိုပါ ဖြစ်စဉ်အတွင်း စစ်ကောင်စီတပ်သား အများအပြားလည်း သေဆုံးခဲ့ကြောင်း ၎င်းက ပြောသည်။

"မိသွားပြီးမှ နေရာတင် ပစ်သတ်ခံလိုက်ရတာ။ ဒီကောင်တွေက ပစ်သတ်ပြီးတာတောင် အားမရဘဲ ရဲဘော်တွေကို နေရာအမျိုးမျိုးရွှေ့ပြီး အနီးနားမှာ ကင်းပုန်း‌တွေဝပ်ပြီး လာကောက်တဲ့သူတွေကိုပစ်ဖို့ ငါးစာလို ထိုင်မျှားနေတာ၊ ကျွန်‌တော်တို့ ကောက်ဖို့ကြိုးစားတိုင်း အဲဒီကောင်တွေက ထွက်ထွက်လာလို့ မကောက်နိုင်ခဲ့ဘူး"ဟု ARA၏ တာဝန်ရှိသူမှပြောသည်။

ကျဆုံးသွားသော ရဲဘော်နှစ်ဦး၏ ရုပ်အလောင်းများသည် နှစ်ရက်တိုင် အကြမ်းဖက်စစ်သားများ ရွှေ့ထားသည့် နေရာတွင် ရှိနေခဲ့ပြီး အောက်တိုဘာ ၁၈ရက် ညနေပိုင်းကမှ သင်္ဂြိုဟ်နိုင်ခဲ့ကြောင်း ၎င်းက ပြောသည်။

"အလောင်းလာကောက်ရင် စောင့်ဖမ်းမလို့ ကင်းပုန်းဝပ်ပြီး စစ်ခွေးတွေက စောင့်နေတာမို့ အလောင်းကောက်ခွင့်မရဘဲ ရဲဘော်တွေကျဆုံးပြီး သုံးရက်နေမှ သင်္ဂြိုဟ်ပြီးစီးပါတယ်။ အလောင်းတွေပြန်သယ်ဖို့ မဖြစ်နိုင်တော့လို့ လမ်းဘေးမှာပဲ သင်္ဂြိုဟ်ခဲ့ရပါတယ်"ဟု ၎င်းက ပြောသည်။

အောက်တိုဘာ ၁၅ရက် ဖြစ်စဉ်တွင် ARAက စစ်ကောင်စီတပ်၏ ခြေလျင်တပ်ကို သုံးကြိမ်တိုင်တိုင် မိုင်းဆွဲတိုက်ခိုက်ခဲ့ခြင်းဖြစ်သည်။

ယင်းနေ့ နံနက် ၆ နာရီခန့်က ကြာပင်လှရွာနှင့် ပါရမီရွာကြားတွင် ခြေလျင်တက်လာသော အကြမ်းဖက်စစ်ကြောင်းကို ARAမှ ဗိုလ်လျှပ်စီးနှင့်အဖွဲ့က ပထမအကြိမ် မိုင်းဆွဲတိုက်ခိုက်ခဲ့သည်။

ထိုတိုက်ခိုက်မှုကြောင့် ရန်သူများ ထိခိုက်ဒဏ်ရာရသော်လည်း အသေအပျောက်မရှိကြောင်း သိရသည်။

ယင်းနောက် ဒုတိယအကြိမ်အဖြစ် နံနက် ၈ နာရီခန့်တွင် ရဲချင်းရွာနှင့် မကျီးကန်ရွာကြားရောက်နေသော ခြေလျင်အကြမ်းဖက်စစ်ကြောင်းကို ARA ၏ မီးခဲအဖွဲ့က မိုင်းဆွဲတိုက်ခိုက်ခဲ့ရာ ပြင်းပြင်းထန်ထန် ထိခိုက်ဒဏ်ရာရသော စစ်ကောင်စီတပ်သားများအား ကျန်တပ်သားများက တွဲခေါ်သွားသည်ကို တွေ့ရကြောင်း ARA အဖွဲ့၏ တာဝန်ရှိသူက ပြောသည်။

အထက်ပါ မိုင်းခွဲမှုအပြီး မိနစ်သုံးဆယ်အကြာ နံနက် ၈ နာရီ မိနစ် ၃၀ အချိန်ခန့်တွင် ထိုနေရာတွင်ပင် ထပ်မံမိုင်းဆွဲတိုက်ခိုက်ခဲ့ရာ စစ်ကောင်စီတပ်သားများ ဆိုးဆိုးရွားရွား ထပ်မံ ထိခိုက်ခဲ့သည်ဟု ARA က ဆိုသည်။

"သုံးကြိမ်မှာ ပထမတစ်ကြိမ်က မိုင်းအလုံးရေနည်းလို့ သိပ်မထိပေမယ့် နောက်နှစ်ကြိမ်မှာတော့ တစ်ကြိမ်ကို မိုင်းဆယ်လုံး အနည်းဆုံးနဲ့ ဆိုတော့ ရန်သူအထိနာပါတယ် ။ ၁၀ယောက်ကျော်သေပြီး အယောက်၃၀လောက် ဒဏ်ရာရတယ်" ဟု ARA အဖွဲ့တာဝန်ရှိသူမှ မဇ္ဈိမကို ပြောသည်။

အောက်တိုဘာလ ၆ရက်ကလည်း စစ်ကိုင်းတိုင်းဒေသကြီး၊ အရာတော်မြို့နယ်၊ အရာတော်-မုံရွာကားလမ်းပေါ်တွင် စစ်ကြောင်း သီးခြားစီ သွားလာနေသည့် အာဏာသိမ်း စစ်ကောင်စီယာဉ်တန်း နှစ်တန်းအား ARAအဖွဲ့က မိုင်းဆွဲတိုက်ခိုက်ခဲ့သေးသည်။


****************************************************************

END / 251