မြန်မာ့ အရေး ကုလသမဂ္ဂ လုံခြုံရေး ကောင်စီက ကြေငြာချက် ထုတ်

အဲဟ်လေ့ဘိုက်(သ) (အလိုင်ဟေမွစ်စလာမ်) သတင်းဌာန ၊ အဗ်နာ



အာဏာသိမ်းစစ်ကောင်စီအနေနဲ့ အကြမ်းဖက်မှုတွေကို ချက်ခြင်းရပ်ဆိုင်းပြီး ပြည်သူတွေရဲ့ သဘောဆန္ဒအတိုင်း အကောင်အထည်ဖော်ဖို့ ကုလသမဂ္ဂ လုံခြုံရေးကောင်စီက တိုက်တွန်းလိုက်ပါတယ်။

အဖွဲ့ဝင် ၁၅ နိုင်ငံစလုံးရဲ့ သဘောတူညီချက်နဲ့ မနေ့က ဒီကြေငြာချက်ကို ထုတ်ပြန်တာ ဖြစ်ပါတယ်။

ချင်းပြည်နယ်အနောက်ပိုင်းမှာ စစ်ကောင်စီတပ်တွေ အင်အားတိုးချဲ့နေတဲ့အချိန် ဒီကြေငြာချက် ထွက်ပေါ်လာတာပါ။ လက်နက်ကိုင်တော်လှန်ရေးအဖွဲ့တွေကို တိုက်ခိုက်ဖို့ ပြင်ဆင်နေတယ်လို့ ကျွမ်းကျင်သူတွေက သုံးသပ်ကြပြီး လူ့အခွင့်အရေးချိုးဖောက်မှု​တွေ အများအပြားဖြစ်လာမှာကိုလည်း စိုးရိမ်နေကြပါတယ်။

ပြီးခဲ့တဲ့လ ချင်းပြည်နယ်မှာ စစ်တပ်က လက်နက်ကြီးတွေနဲ့ လူနေရပ်ကွက်တွေကို ပစ်တာကြောင့် ထန်တလန်မြို့မှာ အိမ်တွေနဲ့ ဘုရားကျောင်းတွေ မီးလောင်ပျက်ဆီးခဲ့ပါတယ်။

လုံခြုံရေးကောင်စီရဲ့ ထုတ်ပြန်ချက်မှာ လတ်တလော မြန်မာနိုင်ငံမှာ အကြမ်းဖက်မှုတွေ ထပ်ဖြစ်နေတာနဲ့ ပတ်သက်ပြီး အလွန်အမင်း စိုးရိမ်မိတယ်လို့ ဖော်ပြထားပြီး ဒီလိုအကြမ်းဖက်မှုတွေ ရပ်တန့်ဖို့၊ ပြည်သူတွေ ဘေးအန္တရာယ်ကင်းအောင် ဆောင်ရွက်ဖို့ တိုက်တွန်းထားပါတယ်။

“ဖေဖော်ဝါရီ ၁ ရက်နေ့ အရေးပေါ်အခြေအနေ ကြေငြာပြီးနောက်ပိုင်း မြန်မာနိုင်ငံက အဖြစ်အပျက်တွေအတွက် အလွန်အမင်း စိုးရိမ်ပူပန်မိကြောင်း အဖွဲ့ဝင်နိုင်ငံတွေက ထပ်လောင်းပြောကြားခဲ့ပြီး၊ စစ်တပ်အနေနဲ့ အဆုံးစွန်ဆုံး ထိန်းချုပ်ကိုင်တွယ်ဖို့ တိုက်တွန်းလိုက်ပါတယ်” လို့ ကြေငြာချက်မှာ ဖော်ပြထားပါတယ်။

ဆွေးနွေးညှိနှိုင်းမှုတွေကနေ အဖြေရှာဖို့လည်း လုံခြုံရေးကောင်စီက ထည့်သွင်းတိုက်တွန်းခဲ့ပါတယ်။

“မြန်မာပြည်သူတွေရဲ့ သဘောဆန္ဒနဲ့ အကျိူးစီးပွားကို ရှေ့ရှုပြီး စေ့စပ်ဆွေးနွေး၊ ညှိနှိုင်းအဖြေရှာဖို့ အဖွဲ့ဝင်နိုင်ငံတွေက တိုက်တွန်းဆော်ဩလိုက်ပါတယ်”

မတည်ငြိမ်မှုတွေကြောင့် အတိဒုက္ခရောက်နေကြတဲ့ သူတွေကို လူသားချင်း စာနာထောက်ထားမှုဆိုင်ရာ အကူအညီတွေ ပေးနိုင်ဖို့၊ အကူအညီပေးရေးအဖွဲ့တွေနဲ့ ကျန်းမာရေးလုပ်သားတွေ ဘေးအန္တရာယ်ကင်းအောင် ဆောင်ရွက်ပေးဖို့လည်း လုံခြုံရေးကောင်စီက ထည့်သွင်းပြောဆိုခဲ့ပါတယ်။

****************************************************
END / 251