ရုရှားနိုင်ငံခြားရေးဝန်ကြီးဌာနပြောရေးဆိုခွင့်ရှိသူမှအီရန်ကို တိုက်ခိုက်နေသူများသည် ရေဒီယိုသက်တံ့ ညစ်ညမ်းမှု အန္တရာယ်ကို လျစ်လျူရှုနေကြကြောင်းပြောကြား

အဲဟ်လေ့ဘိုက်(သ) (အလိုင်ဟေမွစ်စလာမ်) သတင်းဌာန ၊ အဗ်နာ

အီရန် ရုပ်မြင်သံကြား ဌာန  (IRIB) နှင့်  Seda va Sima သတင်းဌာနတို့ ၏ ၏ အစီရင်ခံစာများ အရ ရုရှား နိုင်ငံခြားရေး ဝန်ကြီးဌာန ပြောရေးဆိုခွင့်ရှိသူသည် အီရန်၏ ငြိမ်းချမ်းရေးရည်ရွယ်သည့် နျူကလီးယား စက်ရုံများအပေါ် တိုက်ခိုက်မှုများ ဆက်လက်ဖြစ်ပေါ်နေခြင်းကို ပြင်းထန်စွာ ဝေဖန်ပြီး၊ အီရန်ကို တိုက်ခိုက်နေသူများ သည် အရှေ့အလယ်ပိုင်းရှိ စစ်ပွဲအတွင်း မိမိ တို့၏ လှုပ်ရှားမှုများကို ဆက်လက် တိုးမြှင့် နေကြသော်လည်း ထိုလုပ်ရပ်များ၏ အန္တရာယ်များအားလုံးကို အထူးသဖြင့် ကျယ်ပြန့်သော ရေဒီယိုသက်တံ့ ညစ်ညမ်းမှု ဖြစ်ပေါ်နိုင်သည့် အန္တရာယ်ကို လျစ်လျူရှုထားကြသည်ဟု ပြောကြားခဲ့ပါတယ်။

ရုရှား နိုင်ငံခြားရေး ဝန်ကြီးဌာန ပြောရေးဆိုခွင့်ရှိသူ မာရီးယား ဇာခာရိုဗာက အီရန်ကို တိုက်ခိုက်ခဲ့သော နိုင်ငံများသည် ခန်ဒါဘ်ရှိ heavy water complex နှင့် အာဒကန်ရှိ ယူရေးနီယမ် သတ္တုကြွက်တင် အထုတ်လုပ်စက်ရုံကို ရည်ရွယ်ချက်ရှိရှိ တိုက်ခိုက်ခဲ့ကြကြောင်း ထို့နောက် ခဏအကြာတွင် ဘူရှဲဟ် နျူကလီးယား လျှပ်စစ်စက်ရုံ အနီးအနားတွင်လည်း တိုက်ခိုက်မှုအသစ်များ ဖြစ်ပွားခဲ့ကြောင်း သတင်းများ ထွက်ပေါ်လာခဲ့သည်” ဟု ပြောကြားခဲ့ပါတယ်။

ရုရှား ဒစ်ပလိုမတ်ရေးရာဌာန၏ ပြောရေးဆိုခွင့်ရှိသူက ထိုတိုက်ခိုက်မှုများကို နိုင်ငံတကာ အသိုင်းအဝိုင်းမှ ပြတ်သား၍ တင်းကျပ်စွာ ပြစ်တင်ရှုတ်ချသင့်ကြောင်း ထပ်မံပြောကြားခဲ့ပါတယ်။

ဇာခာရိုဗာက ထိုလုပ်ရပ်များကို နိုင်ငံတကာ ဥပဒေကို ဖောက်ဖျက်ခြင်းဖြစ်ကြောင်း သတ်မှတ်ခဲ့ပြီး၊ ထိုကဲ့သို့သော တရားမဝင် လုပ်ရပ်များအတွက် တာဝန်ရှိသူများသည် မိမိတို့၏ လုပ်ရပ်များအပေါ် သတိရှိ သင့်ကြောင်း ပြောကြားခဲ့ပါတယ်။

သူမက အပြည်ပြည်ဆိုင်ရာ အဏုမြူစွမ်းအင် အေဂျင်စီ (IAEA) ၏ အကြီးအကဲသည် အီရန်၏ ဆန့်ကျင်ဘက်များက လျစ်လျူရှုနေသည့် သို့မဟုတ် ငြင်းဆိုနေသည့် အလွန်ပြင်းထန်သော အန္တရာယ်အပေါ် ပိုမို ပြတ်သားစွာ ရပ်တည်ချက် ထုတ်ဖော်သင့်သည် ဟု ပြောကြားခဲ့ပါတယ်။

မာရီးယား ဇာခာရိုဗာက ထပ်မံ၍ ယခု သင်တို့ ရပ်တန့်ရမည့် အချိန် ရောက်လာပြီ ဖြစ်ကြောင်း အနီရောင် မျဉ်းကို ဖြတ်ကျော်ပြီးဖြစ်ကြောင်း သို့သော် ထပ်မံရာဇဝတ်မှုများ မကျူးလွန်ရန် အပြစ်မဲ့ လူများ၏ အသက်ဆုံးရှုံးမှု မတိုးပွားစေရန်နှင့် ဤအကျပ်အတည်းကို ကမ္ဘာလုံးဆိုင်ရာ ဘေးအန္တရာယ်ကြီးတစ်ခုအဖြစ် မပြောင်း လဲသွား စေရန် အခွင့်အရေး ရှိနေသေးကြောင်း ဆက်လက် အလေးပေး ပြောကြားခဲ့ပါတယ်။

ရုရှား နိုင်ငံခြားရေး ဝန်ကြီးဌာန ပြောရေးဆိုခွင့်ရှိသူက ထပ်မံ၍ ဤအခြေအနေ၏ ဘေး အန္တရာယ် ပြင်းထန်မှုသည် အီရန်၏ ငြိမ်းချမ်းရေးရည်ရွယ်သည့် နျူကလီးယား စက်ရုံများကို တိုက်ခိုက်နေသော နိုင်ငံများက နျူကလီးယား လက်နက် မပြန့်ပွားရေး သဘောတူညီချက် (NPT)၊ IAEA ၏ စစ်ဆေးအတည်ပြုရေး စနစ်များ၊ နျူကလီးယား လုံခြုံရေးနှင့် ရုပ်ပိုင်းဆိုင်ရာ ကာကွယ်ရေး သဘောတူညီချက်များနှင့် အဖွဲ့၏ နည်းပညာဆိုင်ရာ စည်းမျဉ်းများကို လက်တွေ့တွင် လျစ်လျူရှုနေကြခြင်းကြောင့် ပိုမိုပြင်းထန်လာသည် ဟု ပြောကြားခဲ့ပါတယ်။

သူမက ထပ်မံ၍ နိုင်ငံတကာ သဘောတူညီမှုအပေါ် အခြေခံပြီး ဂရုတစိုက် ချမှတ်ထားသော ဆုံးဖြတ်ချက်များကို သူတို့က အရေးမယူကြဘဲ မိမိတို့၏ ကိုယ်ကျိုးစီးပွားနှင့် ဂျီယိုပေါလစ်တစ် ဆိုင်ရာ အကျိုးစီးပွားများ လိုအပ်လာသည့်အခါတိုင်း လွှင့်ပစ်လိုက်ကြသည် ဟု ပြောကြားခဲ့ပါတယ်။

ရုရှား ဒစ်ပလိုမတ်ရေးရာဌာန ပြောရေးဆိုခွင့်ရှိသူက ကျွန်ုပ်တို့သည် ဤအဖျက်အမှောင့်ဖြစ်စေသော ချဉ်းကပ်ပုံ ကို ပြတ်သားစွာ ရှုတ်ချပြီး ထိုလုပ်ရပ်များ၏ တာဝန်ရှိသူများကို ချက်ချင်း ဤလမ်းကြောင်းကို အဆုံးသတ်ရန် တောင်းဆိုသည်ဟု အလေးပေး ပြောကြားခဲ့ပါတယ်။

++++++++++++++++++++++++++++++++++++++++++++++++++

END / 251